Boodskap in 'n bottel
'n Gedig van verlange en hoop op weersiens.
Gedig
Jou naam het ek vanaand in die maan geskryf en vanoggend met ’n stokkie in die sand; gister in wolke wat suidwaarts seil bo die oggendson se brand Geskryf op die klank van ’n voël se roep en op ’n sonstraal se lint daarna in die soelte wat hang op die stoep en toe op die lyf van die wind – Dié boodskap in wolke bo in die lug dobber op luggolwe aan om langs watter strand of ararat of dalk bo jou huis te gaan staan? Dan roep die wind en hy roep jou weer en stuur dan sy tortelduif en ek hoop dat hy terugkom – blad in die bek, of ’n woord of ’n lag of ’n wuif. Stuur hom terug, my lief, stuur hom terug, stuur hom terug! Dis al wat ek het dan van jou: ’n naam in die boombas, ’n droom in die lug en ’n blaartjie om vas te kan hou.
Notas
Geen Notas